ബെംഗളൂരു : സ്വകാര്യ ടെലികോം കമ്പനികൾക്കു പിന്നാലെ ബിഎസ്എൻഎല്ലും സംസ്ഥാനത്തു 4ജി സർവീസ് ആരംഭിക്കുന്നു. ബെംഗളൂരു അടക്കമുള്ള 130 കേന്ദ്രങ്ങളിലാണ് രണ്ടു മാസത്തിനകം 4ജി സർവീസ് ആരംഭിക്കുന്നത്. ഇതിനായി 10,000 മൊബൈൽ ടവറുകൾ 4 ജിയിലേക്കു മാറ്റുമെന്ന് ബിഎസ്എൻഎൽ കർണാടക സർക്കിൾ ചീഫ് ജനറൽ മാനേജർ ആർ.മണി പറഞ്ഞു.
രാജ്യത്തു ബിഎസ്എൻഎല്ലിനു കൂടുതൽ വരുമാനം ലഭിക്കുന്ന സെക്ടറുകളിൽ കർണാടക രണ്ടാം സ്ഥാനത്താണ്. 2000 കോടി രൂപയാണ് കഴി‍ഞ്ഞ വർഷം കർണാടക സർക്കിളിനു ലഭിച്ചത്. സ്വകാര്യ കമ്പനികളുമായി കടുത്ത മൽസരം നേരിട്ടിട്ടും 35 കോടി രൂപയുടെ ലാഭം നേടാൻ സാധിച്ചതായും മണി പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
